Gaslögmálið

Gaslögmálið gildir um kjörgas og gefur samband á milli stærðanna þrýstingur, rúmmál, fjöldi efniseinda og hiti. Með forriti á vefsíðunni er þetta samband kannað.

Skráðu inn í eftirfarandi form stærðirnar sem eru gefnar í dæminu og síðan það sem þú reiknar út.
Kannaðu hvort þín niðurstaða er í samræmi við það sem forritið reiknar.
Notaður er punktur í tugabrotum en ekki komma.
Sjálfgefinn fjöldi marktækra tölustafa í samanburði sem forritið gerir er 2 og er það jafnframt minnsti fjöldi sem reiknað er með en auka má nákvæmnina í 4 stafi.
Athugaðu að við umreikning milli eininga koma fram fleiri tölustafir en marktækir stafir tölunnar sem þú skráir inn.

Í 30 L íláti er súrefni við 90°C og 2,4 loftþyngda þrýsting. Hvað eru mörg mól af súrefni í ílátinu?
Í 0,400 m³ íláti eru 22,0 mól af helíni við 60,0°C. Hver er þrýstingurinn í ílátinu mældur í paskal?
Í 0,50 L íláti eru 0,030 mól af þurru andrúmslofti. Hver er hiti loftsins ef þrýstingurinn mælist 1,4•10⁵ Pa?
Hvert er rúmmál íláts í lítrum ef í því eru 3,428 mól af metangasi við 24,34°C og 4,836 atm? Hér á að reikna með fjórum marktækum tölustöfum.

Á vefsíðunni Temperature and Absolute Zero er forrit sem sýnir hvernig hiti hefur áhrif á hreyfingu sameinda í lokuðu íláti.