Menntaskólinn í Reykjavík

  • Fréttir

    Ný heimasíða Menntaskólans í Reykjavík er komin í loftið.
    Síðan hefur tekið töluverðum breytingum og fengið ferskara útlit.Markmiðið með breytingunum er að einfalda viðmót og bæta aðgengi að upplýsingum í tengslum við starfsemi og námið í Menntaskólanum í Reykjavík.
    Heimasíðan hefur líka verið gerð aðgengilegri fyrir snjalltæki og er því auðveldara að vafra um síðuna í gengum slík tæki. Við óskum nemendum og starfsmönnum til hamingju með nýju síðuna. 
  • Auglýsing frá Bræðrasjóði

    Tilkynningar

    Auglýsing frá Bræðrasjóði
    Bræðrasjóður styrkir nemendur sem búa við bágan fjárhag.
    Umsóknareyðublöð fást á skrifstofu skólans.
    Umsóknir berist rektor í síðasta lagi föstudaginn 1. apríl.
    Kveðja, Elísabet
  • Vorprófstafla

    Tilkynningar

    Vorprófstafla
    Nú er komin vorprófstafla.

18. almenna landskeppnin í efnafræði fór fram í framhaldsskólum landsins fimmtudaginn 28. febrúar. Alls tók 141 nemandi þátt, úr sex skólum. Sigurvegari er Eldar Máni Gíslason, nemandi við Menntaskólann í Reykjavík, en hann hlaut 100 stig af 100 mögulegum. Meðalstigafjöldi allra keppenda var 36,4 stig.
17 efstu keppendum er boðið að taka þátt í úrslitakeppni sem haldin verður við Háskóla Íslands helgina 23.-24. mars næstkomandi. Við óskum þessum nemendum til hamingju, þeir eru:

1 Eldar Máni Gíslason, MR
2 Ægir Örn Kristjánsson, MR
3 Úlfur Örn Björnsson, Kvennó
4 Alexander Ragnarsson, MR
5 Tómas Ingi Hrólfsson, MH
6 Jón Pétur Snæland, MR
7 Kristján Bjarki Halldórsson, MR
8 Vigdís Gunnarsdóttir, MR
9-10 Hrafnkell Zagross Zahawi, MR
9-10 Þorsteinn Freygarðsson, MR
11 Skjöldur Orri Eyjólfsson, MR
12 Jón Klausen, MH
13 Inga Lilja Ásgeirsdóttir, Kvennó
14 Guðjón Þór Jósefsson, MR
15-17 Heiðar Snær Ásgeirsson, Kvennó
15-17 Freyr Hlynsson, MR
15-17 Sæmundur Guðmundsson, MR

Öllum nemendum er þökkuð þátttakan.

Fjórum efstu keppendum úrslitakeppninnar verður boðið að taka þátt í 4. Norrænu efnafræðikeppninni sem haldin verður í Finnlandi dagana 18.-20. júlí og 51. Alþjóðlegu Ólympíukeppninni í efnafræði sem haldin verður í Frakklandi dagana 21.-30. júlí.

Úrslitakeppni í stærðfræðikeppni framhaldsskólanema fór fram laugardaginn 2. mars. Keppendur voru 35. MR-ingar stóðu sig afar vel í keppninni. Í 15 efstu sætunum eru 11 úr MR:
2. Hrólfur Eyjólfsson 6.X
3. Andri Snær Axelsson 5.X
4.-5. Árni Bjarnsteinsson 6.X
4.-5. Vigdís Gunnarsdóttir VI.X
6.-7. Þorsteinn Ívar Albertsson 6.X
8.-9. Arnar Ágúst Kristjánsson 5.Y
8.-9. Jón Gunnar Hannesson 6.X
10.-11. Margrét Snorradóttir VI.X
12.-13. Guðmundur Freyr Ellertsson VI.X
12.-13. Skjöldur Orri Eyjólfsson VI.Y
15. Bjarki Baldursson Harksen 5.X.
Til hamingju með frábæran árangur!

Hreyfing er undirstaða góðrar heilsu og vellíðunar. Starfsmenn og nemendur MR tóku virkan þátt í heilsu- og hvatningarverkefni Íþrótta- og Ólympíusambands Íslands sem fram fór nú í febrúar. Nemendur gerðu sér lítið fyrir og sigruðu í sínum flokki framhaldsskólakeppni Lífshlaupsins.

lifshlaup19 3

Hér sjást tveir hraustir nemendur VI.R, Elías Lúðvíksson og Róbert Vikar Víkingsson, taka við sigurverðlaununum.

Á föstudag áttust við MA og MR í Gettu betur. Þarna mættust tvö góð lið sem stóðu sig afar vel. Að lokum hafði lið MR eins stigs sigur 33-32 og er því komið í úrslit. Til hamingju!

Fræðslukvöld á vegum Foreldrafélags MR verður mánudaginn 4. mars. Mikill áhugi er á fundinum en salurinn á annarri hæð skólans tekur aðeins 100 manns í sæti. Því miður er ekkert annað húsnæði í skólanum sem er nægilega stórt og hefur útbúnað fyrir stóra fundi. Því hefur verið ákveðið að flytja foreldrakvöldið í sal í Háskólanum í Reykjavík. Salurinn heitir V101 og er til vinstri á fyrstu hæð þegar komið er inn aðalinnganginn.

Fundurinn hefst stundvíslega klukkan 20. Anna Steinsen heldur erindi sem ber yfirskriftina ”Hvernig ýtum við undir sjálfstraust og vellíðan barna okkar?”.

Söngkeppni Skólafélagsins var haldin í Hörpu föstudaginn 15. febrúar síðastliðinn. Hún var stórglæsileg og vel skipulögð og eiga þeir fjölmörgu sem að henni komu mikið hrós skilið. Söngatriðin voru fjölmörg og hvert öðru betra og hlutverk dómnefndar því ekki öfundsvert. Ingibjörg Iða Auðunardóttir í VI. S heillaði dómnefnd og áheyrendur og verður fulltrúi skólans í Söngkeppni framhaldsskólanna. Hún naut aðstoðar Auðar Indriðadóttur, Páls Viðars Hafsteinssonar, Ragnheiðar Ingunnar Jóhannsdóttur og Steinunnar Maríu Þormar. Við óskum þeim innilega til hamingju og þökkum öllum sem tóku þátt fyrir frábæra kvöldstund.

Songkeppni19

Nýr náms- og starfsráðgjafi hefur tekið til starfa  Anna Katrín Ragnarsdóttir. Námráðgjöfin hefur verið flutt úr Villa Nova yfir í Skólahúsið á þriðju hæð fyrir innan bóksölu við hlið hjúkrunar.  Hér eru þær stöllur:  Andrea Ásbjörnsdóttir hjúkrunarfræðingur , Guðrún Þ. Björnsdóttir og Anna Katrín Ragnarsdóttir náms- og starfsráðgjafar.

nyrnamsradgjafi

Hér má sjá nokkrar stúlkur í MR; önnum kafnar við snjómoksturinn í morgun.

snjomokstur19 snjomokstur19