Menntaskólinn í Reykjavík

  • Fréttir

    Ný heimasíða Menntaskólans í Reykjavík er komin í loftið.
    Síðan hefur tekið töluverðum breytingum og fengið ferskara útlit.Markmiðið með breytingunum er að einfalda viðmót og bæta aðgengi að upplýsingum í tengslum við starfsemi og námið í Menntaskólanum í Reykjavík.
    Heimasíðan hefur líka verið gerð aðgengilegri fyrir snjalltæki og er því auðveldara að vafra um síðuna í gengum slík tæki. Við óskum nemendum og starfsmönnum til hamingju með nýju síðuna. 
  • Auglýsing frá Bræðrasjóði

    Tilkynningar

    Auglýsing frá Bræðrasjóði
    Bræðrasjóður styrkir nemendur sem búa við bágan fjárhag.
    Umsóknareyðublöð fást á skrifstofu skólans.
    Umsóknir berist rektor í síðasta lagi föstudaginn 1. apríl.
    Kveðja, Elísabet
  • Vorprófstafla

    Tilkynningar

    Vorprófstafla
    Nú er komin vorprófstafla.

Hollvinir MR óskar nú í þriðja sinn eftir stuðningi félagsmanna sinna til að afla fjár til styrktar ýmsum verkefnum skólans svo sem öflun fullkomins tölvu- og tækjabúnaðar af bestu gerð á hverjum tíma. Frá stofnun félagsins, 1.desember 2013 hafa Hollvinir veitt styrki / gjafir til skólans að upphæð 12,1 m.kr.

Hlutverk Hollvinafélagsins er sem fyrr að vera skólastjórnendum MR til ráðuneytis um hin ýmsu mál. Allir útskrifaðir MR-ingar eru Hollvinir og eru þeir hvattir til að fara inn á Fb-síðu Hollvinafélags Menntaskólans í Reykjavík.


Menntaskólanum í Reykjavík var slitið föstudaginn 01. júní í 172. sinn. Brautskráðir voru 185 nýstúdentar, 73 piltar og 112 stúlkur.

studentar2018

Dúx árgangsins er Hörður Tryggvi Bragason í 6.R með ágætiseinkunn 9,86 og er þetta fimmta hæsta einkunn sem gefin hefur verið á stúdentsprófi frá skólanum. Semidúx er Helgi Sigtryggsson í 6.X með ágætiseinkunn 9,83. Aðrir nýstúdentar með ágætiseinkunn eru:

  • Eydís Oddsdóttir Stenersen 6.M með 9,72
  • Elvar Wang Atlason 6.X með 9,71
  • Elín Edda Guðmundsdóttir 6.Y með 9,67
  • Ágúst Pálmason Morthens 6.X með 9,63
  • Valgerður Jónsdóttir 6.X með 9,5
  • Auður Katarina Theodórsdóttir 6.X 9,27
  • Margrét Kristín Krisjánsdóttir 6.M 9,23
  • Garðar Ingvarsson 6.X með 9,22
  • Katrín Agla Tómasdóttir 6.Y 9,22
  • Þórhildur Guðmundsdóttir 6.B 9,19
  • Kristján Ari Tómasson 6.X 9,18
  • Herdís Eva Hermannsdóttir 6.R 9,17
  • Guðrún Þorláksdóttir 6.B 9,13
  • Laufey Jörgensdóttir 6.X 9,07
  • Davíð Sigurjónsson 6.B 9,00
 
 
Fjölmargir afmælisstúdentar voru viðstaddir athöfnina. Rektor þakkaði afmælisstúdentum velvilja þeirra og vináttu og fyrir góðar og ómetanlegar gjafir. Ingimundur Sveinsson og fjölskylda vildu sýna skólanum þakklæti og styðja við hið góða starf skólans með því að gefa 10 milljónir til Framkvæmdasjóðs. Við athöfnina fluttu fulltrúar afmælisstúdenta ræður. Hörður Þorleifsson flutti ræðu fyrir hönd 70 ára júbilanta, Pétur Gunnarsson fyrir 50 ára júbilanta og Lilja Dögg Alfreðsdóttir fyrir hönd 25 ára júbilanta. 
 
 

Hannes Friðsteinsson umsjónarmaður skólans fagnaði þeim áfanga að hafa starfað við skólann í þrjátíu ár. Guðbjartur Kristófersson efnafræði- og jarðfræðikennari, Ólöf Helga Guðmundsdóttir mynlista- og enskukennari og Sigríður Hlíðar stærðfræði kennari láta af störfum eftir þetta skólaár. Rektor þakkaði þeim fyrir langa og dygga þjónustu við skólann og óskaði þeim farsældar á komandi árum.

kennarar

Að lokum óskaði rektor foreldrum og öðrum vandamönnum nýstúdenta til hamingju með daginn og flutti nýstúdentum heillaóskir frá skólanum og starfsfólki hans.

Skólaslit verða í Háskólabíói föstudaginn 1.júní kl. 14

Skólaslit Menntaskólans í Reykjavík og brautskráning stúdenta fer fram í Háskólabíói föstudaginn 1. júní kl. 14. Fulltrúar afmælisstúdenta sem óska eftir að vera viðstaddir athöfnina eru beðnir um að hafa samband við skrifstofu skólans. Stúdentsefni eru beðin um að mæta fyrir kl. 13:30.

 

Einkunnaafhending í 4., V. og 5. Bekk

Umsjónarkennarar afhenda nemendum í 4., V. og 5.bekk einkunnablöð miðvikudaginn 30. maí kl. 16:00. Einkunnir verða afhentar í heimastofum bekkjanna. Sérstök verðlaunaathöfn verður haldin á Hátíðasal skólans kl. 16:30 og er verðlaunahöfum afhent boðsbréf á athöfnina um leið og einkunnablöð eru afhent.

Unnt verður að sækja ósótt einkunnablöð á skrifstofu skólans að lokinni einkunnaafheningu. Nemendur og forráðamenn geta sótt einkunnablöð en aðrir verða að hafa skriflegt umboð.

Stúdentafagnaðurinn verður haldinn laugardaginn 2. júní n.k. í Gullhömrum. Húsið verður opnað kl. 19 og borðhald hefst kl. 20.

  • Tónlist flutt af nýstúdent á undan borðhaldi
  • Veislustjóri: Helga Sverrisdóttir
  • Fulltrúar 25 ára og 50 ára stúdenta flytja ávörp
  • Fjöldasöngur. Söngstjórar úr hópi 25 ára stúdenta
  • Dans

Matseðill:

Forréttur: Rjómalöguð sælkera grænmetissúpa með nýbökuðu brauði
Aðalréttur: Lambahryggvöðvi með kartöfluköku, steiktum skógarsveppum og lambasoðsósu

Eftirréttur: Súkkulaðifrauð með ferskum berjum og vanillurjóma

Kaffi

Séróskir v/fæðuofnæmis eða grænmetisrétta skal senda á This email address is being protected from spambots. You need JavaScript enabled to view it.

Miðaverð
Miðinn á stúdentafagnaðinn kostar kr. 9.500 fyrir nýstúdenta og kr. 11.500 fyrir júbilanta.

Miðasala fer fram á netinu til 30. maí.Við miðakaup er nauðsynlegt að haka við réttan júbilantahóp (25 ára stúdent, 50 ára stúdent o.s.frv.) m.a. vegna niðurröðunar hópanna í salinn.

Miðasala 
Júbilanta Nýstúdenta

 

Reykjavík í maí 2018

Með góðri kveðju
Stjórn Nemendasambands Menntaskólans í Reykjavík

„Hvað er svo glatt sem góðra vina fundur”

Forpróf fyrir Ólympíukeppni í þýsku var haldið í mars. Nemendur í efstu sætunum fá boð um að taka þátt í Ólympíukeppninni í Þýskalandi. Í ár verður Ólympíukeppni haldin í Freiburg im Breisgau 15.-28. júlí.

Í forkeppninni lentu eftirtaldir nemendur skólans í efstu sætunum:

1. sæti: Guðjón Þór Jósefsson í V.Y

2. sæti: Gígja Kjartansdóttir í V.A

3. sæti: Ísabella Ólöf Michaelsdóttir í V.M

4. sæti: Helgi Rósnatsson í V.Y

5. sæti: Rebekka Marteinsdóttir í V.X


Við óskum nemendum til hamingju með árangurinn.

Gígja Kjartansdóttir og Rebekka Marteinsdóttir verða fulltrúar Íslands í Ólympíukeppninni.

https://www.goethe.de/de/spr/unt/ver/ind/i18.html

Þýskuþraut fór fram 27. febrúar 2018. 11 nemendur frá MR lentu í fyrstu 20 sætunum:

2. Anton Björn Helgason V.M
5. Ragnheiður Ingunn Jóhannsdóttir 5.Y
6. Eldar Máni Gíslason 5.X
7. Gígja Kjartansdóttir V.A
8. Sindri Már Hilmarsson 5.X
9. Berglind Pétursdóttir 5.S
11.-12. Rebekka Marteinsdóttir V.X
13. Margrét Snorradóttir V.X
14.-16. Halldór Alexander Haraldsson 4.F
17.-18. Guðjón Þór Jósefsson V.Y
19. Katla Rut Robertsdóttir Kluvers 4.G

Við óskum nemendum til hamingju með góðan árangur.