Menntaskólinn í Reykjavík

Íþróttir

Íþróttir

Lýsing

Unnið með grunnþætti í íþróttum og almennri heilsurækt þar sem áhersla er lögð á þekkingu á upphitun, þoli, styrk, snerpu og liðleika. Einnig er unnið með mismunandi ákefð hreyfingar og nemendur kynnast fjölbreyttum möguleikum heilsuræktar utandyra. Nemendur læra grunnspor í gömlum íslenskum og erlendum dönsum sem og hópdansa. Kennsla fer fram innandyra sem utan.

Þekkingarviðmið

Nemandi skal hafa öðlast þekkingu og skilning á:
  • mikilvægi upphitunar, þol-, styrktar-, snerpu og liðleikaþjálfunar
  • mikilvægi þess að efla bæði líkamlegan og andlegan styrk með fjölbreyttri og markvissri hreyfingu með mismunandi ákefð
  • mikilvægi útivistar og möguleikum sem bjóðast til hreyfingar utandyra
  • samvinnu og tillitssemi
  • grunnsporum í gömlum íslenskum og erlendum dönsum ásamt hópdönsum

Leikniviðmið

Nemandi skal hafa öðlast leikni í að:
  • tileinka sér fjölbreyttar leiðir til upphitunar-, þol-, styrktar-, snerpu- og liðleikaþjálfunar
  • finna leiðir til þess að efla bæði líkamlegan og andlegan styrk við mismunandi ákefð
  • búa sig undir útivist við mismunandi aðstæður
  • stunda æfingar og hreyfingu sem stuðlar að bættri líkamsbeitingu og líkamsvitund
  • taka þátt í leikjum og æfingum sem efla jákvæða upplifun og viðhorf til heilsuæktar
  • dansa gamla íslenska og erlenda dansa og hópdansa

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • skipuleggja og leysa af hendi verkefni sem snúa að eigin heilsusrækt
  • skipuleggja og meta mismunandi aðferðir til upphitunar, þol-, styrktar-, snerpu- og liðleika- þjálfunar. Einnig að meta mismunandi ákefð við hreyfingu
  • stunda útivist við mismunandi aðstæður
  • leysa af hendi æfingar og leiki sem viðhalda og bæta líkamlega-, andlega- og félagslega þætti
  • geta unnið með öðrum nemendum s.s. í hópverkefnum, boltaleikjum og dansi

Námsmat

Verkleg próf eru tekin bæði um jól og að vori. Að vori er einnig gefin námseinkunn fyrir allan veturinn sem samanstendur af mætingu og virkni í tímum.

Skammstöfun

ÍÞRÓ1AA02