Menntaskólinn í Reykjavík

Stærðfræði

Stærðfræði

Lýsing

Hornaföll, hornafallajöfnur og -ójöfnur. Samsett og andhverf föll, lograr, markgildi og samfelld föll

Þekkingarviðmið

Nemandi skal hafa öðlast þekkingu og skilning á:
  • hornaföllum, hornafallareglum og þríhyrningareikningum
  • samsettum og andhverfum föllum
  • ræðum veldum
  • vísis- og lograföllum og helstu eiginleikum þeirra
  • eiginlegum og óeiginlegum markgildum
  • samfelldni
  • diffrun og aðfellum

Leikniviðmið

Nemandi skal hafa öðlast leikni í að:
  • að beita hornaföllum við þríhyrningareikninga
  • að umrita með hornafallareglum
  • að leysa hornafallajöfnur og -ójöfnur bæði með reikningum og myndrænt
  • að finna andhverfu falla og setja saman föll
  • að beita veldareglum og meðhöndla rætur og ræða veldisvísa
  • að greina helstu eiginleika vísis- og lografalla og leysa dæmi um hagnýtingu þeirra
  • að leysa vísis- og lograjöfnur og -ójöfnur
  • að reikna markgildi
  • að greina samfelldni falla
  • að beita reglum um samfelld og diffranleg föll

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega
  • sýna góð vinnubrögð í stærðfræði og nákvæmni í framsetningu
  • útskýra skipulega aðferðir við lausnir margvíslegra verkefna með vísun í reglur
  • öðlast aukið læsi á mál stærðfræðinnar
  • greina hvenær röksemdafærsla getur talist fullnægjandi sönnun og byggt upp einfaldar sannanir

Námsmat

Námsmat byggir á reglubundnum skriflegum æfingum heimadæmum frammistöðu nemandans í tímum og vinnubrögðum við heimanám misserisprófum

Skammstöfun

STÆR2SA07(H) og STÆR3DA06(V)