Menntaskólinn í Reykjavík

Félagsfræði

Félagsfræði

Lýsing

Í þessum byrjunaráfanga er fjallað um grunneiningar samfélagsins og þær skoðaðar frá sjónarhorni félagsfræðinnar. Áhrif félagslegra afla á aðstæður, hugsanir og athafnir einstaklingsins eru skoðuð. Lögð er áhersla á að nemendur öðlist þekkingu á samfélögum nær og fjær svo að þeir verði færir um að taka virkan þátt í umræðum og mynda sér skoðanir á meðvitaðan og gagnrýninn hátt.

Þekkingarviðmið

Nemandi skal hafa öðlast þekkingu og skilning á:
  • Hugtökum sem notuð eru til að lýsa menningu og félagsgerð samfélaga
  • Mikilvægustu félagslegu kerfum ólíkra samfélaga og tilgangi þeirra
  • Þróun fjölskyldunnar og ólíkum fjölskyldugerðum
  • Helstu hugtökum stjórnmálafræðinnar s.s. vald, lýðræði og þrískiptingu ríkisvaldsins
  • Helstu átakalínum í stjórnmálum
  • Samstarfi á alþjóðavettvangi og þeim alþjóðastofnunum sem Ísland tengist
  • Skiptingu þjóða heims í ríkar og snauðar
  • Kenningar um efnahagslega misskiptingu í heiminum

Leikniviðmið

Nemandi skal hafa öðlast leikni í að:
  • Beita hugtökum félagsfræðinnar á skýran og skilmerkilegan hátt
  • Leita upplýsinga á veraldarvefnum og vinna úr þeim
  • Meta menningarlega og efnahagslega stöðu ólíkra samfélaga
  • Greina stöðu einstakra ríkja í alþjóðlegu samhengi
  • Setja fram þekkingu sína í ræðu og riti

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • Öðlast yfirsýn og skilning á margbreytileika mannlegra samfélaga
  • Tjá sig skipulega og gagnrýnið um samfélagsleg álitamál
  • Geta lagt mat á heimildir og upplýsingar
  • Geta beitt öguðum vinnubrögðum, borið ábyrgð á eigin námi og unnið með öðrum.

Námsmat

Skammstöfun

FÉLA2AA09