Menntaskólinn í Reykjavík

  • Skólasetning 2019
    Skólinn verður settur þriðjudaginn 20. ágúst. Nemendur safnist saman fyrir framan skólann kl. 13:50, þaðan verður gengið til skólasetningar í Dómkirkjunni. Eftir skólasetningu fara nemendur í heimastofur og fá stundaskrár og upplýsingar um námið framundan. Kennsla hefst miðvikudaginn 21. ágúst skv. stundaskrá. Bókalista má finna á heimasíðu skólans. Starfsmannafundur verður á Hátíðasal mánudaginn 19. ágúst kl. 13:00. Rektor
  • Bóksala
    Bóksalan opnar 14.ágúst og er þá hægt að kaupa þau hefti sem er sérstaklega merkt inn á bókalistum (stjórnumerkt)
    Bókalistar
    4.bekkur
    5.bekkur
    6.bekkur

Fréttir

Nýr konrektor

Einar Hreinsson hefur verið ráðinn konrektor við skólann frá 1. ágúst n.k úr hópi 7 umsækjenda.

 

Einar er með doktorspróf í sagnfræði frá Háskólanum í Gautaborg, þar áður lauk hann meistaranámi og BA-námi í sagnfræði frá Háskóla Íslands. Hann hefur víðtæka reynslu bæði úr skólakerfinu og stjórnsýslunni. Hann hefur starfað sem framhaldsskólakennari, háskólakennari, sérfræðingur í mennta- og menningarmálaráðuneytinu, sérfræðingur í forsætisráðuneytinu og verið framkvæmdastjóri Gæðaráðs. Hann er að ljúka starfi sem forstöðumaður kennslusviðs Háskólans í Reykjavík.


Við bjóðum Einar velkominn til starfa og væntum góðs af störfum hans.