Menntaskólinn í Reykjavík

Herranótt er að sýna Rómeó og Júlíu í Gamla bíó. Athugið að aðeins fjórar sýningar eru eftir:

23. febrúar (í kvöld)

24. febrúar (mánudagur)

25. febrúar (þriðjudagur)

26. febrúar (miðvikudagur)

Allar sýningar hefjast klukkan 20. 

 

Miðasala: https://www.skolafelagid.is/midasala

Sara Hlín Gísladóttir úr 5.A sigraði í undankeppni fyrir Alþjóðlega ólympíuleika í þýsku. Hún er annar tveggja fulltrúa Íslands sem fara í sumar til Þýskalands til að taka þátt í keppninni. Ólympíuleikarnir fara fram í Dresden dagana 26. júlí – 8. ágúst.

Sigurvegarar í bekkjarkeppni í líffræðikeppni skólans: 6.S.  Þeirra á meðal er sá nemandi sem var hæstur yfir landskeppnina alla: Örn Steinar Sigurbjörnsson.  

 

 

Ármann, Birta Líf og Víkingur stóðu sig vel í kvöld og eru komin í undanúrslit í Gettu betur. Við óskum þeim til hamingju með sigurinn. 

Nemendur í dönskuvali fóru í vel heppnaða ferð til Kaupmannahafnar dagana 3. - 6. febrúar ásamt kennurum sínum, Magdalenu og Laufeyju. Meðal þess sem nemendur gerðu var að heimsækja sendiráð Íslands, fara á Íslendingaslóðir og heimsækja Jónshús. Nemendur voru skólanum til sóma í ferðinni. 

 

 

 

Vegna veðurofsaspár morgundagsins og fyrirséðrar röskunar á almenningssamgöngum sökum hennar fellur skólahald niður á morgun, föstudaginn 14. febrúar.

Við bendum nemendum á að nýta tímann vel og að námsnetið getur nýst vel. 

 

 

Steinar Þór Smári í 5.X hefur verið valinn til þátttöku í Netöryggiskeppni íslenskra ungmenna. Keppnin fer fram á UTmessunni í Hörpu 7. og 8. febrúar. Við óskum honum góðs gengis í keppninni. 

 

 

Ýmislegt skemmtilegt hefur verið í gangi hjá nemendum, t.d. sokkaball og söngkeppni. Við minnum á að hægt er að finna myndir úr skólastarfinu á Facebook og Instagram síðu skólans, hlekki á síðurnar má finna hér fyrir Facebook og Instagram.