mr.is >> Fréttir
Fréttir
Vorhlé
Fimmtudagur, 16. febrúar 2017 11:04

Vorhlé er í skólanum föstudaginn 17. febrúar og mánudaginn 20. febrúar og fellur kennsla niður þá daga. Skrifstofa skólans verður opin föstudaginn 17. febrúar kl. 10-15 en lokuð mánudaginn 20. febrúar.

Árshátíð Framtíðarinnar er haldin í Gullhömrum fimmtudaginn 16. febrúar.

 
Söngkeppni Skólafélagsins
Sunnudagur, 12. febrúar 2017 11:49

Söngkeppni Skólafélagsins fór fram í Hörpunni sl. föstudagskvöld. Skipulag og undirbúningar keppninnar var góður og kepptu 14 lið. Þessi söngatriði voru í hæsta gæðaflokki. Bára Lyngdal Magnúsdóttir í IV.E bar sigur úr býtum enda snerti hún hjörtu viðstaddra með mögnuðum söng sínum. Aðrir verðlaunahafar voru Una Torfadóttir í IV.B í 2. sæti, Sigurður Ingvarsson í 4.A í 3. sæti og Ragnheiður Ingunn Jóhannsdóttir í 4.U í 4. sæti. Stjórn Skólafélagsins, keppendum og öllum þeim sem komu að undirbúningi keppninnar er óskað til hamingju með afar vel heppnaða Söngkeppni.

 
Vorprófstaflan
Föstudagur, 10. febrúar 2017 09:55

Hér til hliðar er yfirlitstafla yfir vorprófin. Endanlegar próftöflur fyrir hvern árgang verða birtar síðar.

 
Vetrarhátíð Reykjavíkurborgar
Fimmtudagur, 02. febrúar 2017 14:09

Vetrarhátið 2017 stendur yfir dagana 2.-5. febrúar. Þetta er í 16. sinn sem þessi hátíð ljóss og myrkurs er haldin en fjórar meginstoðir hennar eru: Safnanótt, Sundlauganótt, Snjófögnuður og ljósalist ásamt um 150 viðburðum þar sem fjöldi listamanna tekur þátt í að skapa einstaka stemningu í borginni. Höfuðborgarstofa hefur yfirumsjón með hátíðinni og eru allir viðburðir á Safnanótt og Sundlauganótt ókeypis. Vetrarhátíð lýkur með myrkvun götuljósa í miðborginni á sunnudaginn 5. febrúar kl. 21-22.

Nánar...
 
Vetrarhátíð Reyykjavíkurborgar
Fimmtudagur, 02. febrúar 2017 14:09

Vetrarhátið 2017 stendur yfir dagana 2.-5. febrúar. Þetta er í 16. sinn sem þessi hátíð ljóss og myrkurs er haldin en fjórar meginstoðir hennar eru: Safnanótt, Sundlauganótt, Snjófögnuður og ljósalist ásamt um 150 viðburðum þar sem fjöldi listamanna tekur þátt í að skapa einstaka stemningu í borginni. Höfuðborgarstofa hefur yfirumsjón með hátíðinni og eru allir viðburðir á Safnanótt og Sundlauganótt ókeypis. Vetrarhátíð lýkur með myrkvun götuljósa í miðborginni á sunnudaginn 5. febrúar kl. 21-22.

Á sama tíma og setningin við Hallgrímskirkju fer fram verða á þriðja tug bygginga á höfuðborgarsvæðinu upplýstar í grænum og fjólubláum litum, einkennislitum Vetrarhátíðar. Þá verða ljóslistaverk á nokkrum lykilbyggingum; Hallgrímskirkju, Hörpu, Ráðhúsi Reykjavíkur og Kópavogskirkju. Aðrar upplýstar byggingar eru m.a. Perlan, Háskóli Íslands, Borgarleikhúsið, Stjórnarráðið, Þjóðminjasafnið, Listasafn Íslands, Safnahúsið, Þjóðleikhúsið, Íslensk erfðagreining, Höfði og Menntaskólinn í Reykjavík. Sveitarfélögin á höfuðborgarsvæðinu lýsa upp lykilbyggingar eins og Bessastaði, Lágafellskirkju, Félagsheimilið Hlégarð, Seltjarnarneskirkju, Gróttuvita og Ráðhús og Byggðasafn Hafnarfjarðar. Aldrei hafa fleiri tekið þátt í þessu samspili ljóss og myrkurs á Vetrarhátíð.

 
«FyrstaFyrri12345678910NæstaSíðasta»

Last month Febrúar 2017 Next month
    S M Þ M F F L
week 5             1 2 3 4
week 6 5 6 7 8 9 10 11
week 7 12 13 14 15 16 17 18
week 8 19 20 21 22 23 24 25
week 9 26 27 28