mr.is >> Fréttir >> Elísabet Siemsen er nýskipaður rektor Menntaskólans í Reykjavík
Elísabet Siemsen er nýskipaður rektor Menntaskólans í Reykjavík
Föstudagur, 06. október 2017 16:24

Elísabet Siemsen er nýskipaður rektor skólans og er hún boðin velkomin til starfa.

ElisabetSiemsen

Kristján Þór Júlíusson, mennta- og menningarmálaráðherra, hefur skipað Elísabetu Siemsen í stöðu rektors MR til fimm ára frá og með 1. nóvember 2017. Níu umsóknir bárust um embættið en umsóknarfrestur rann út þann 8. ágúst síðastliðinn.

Að fenginni umsögn skólanefndar Menntaskólans í Reykjavík hefur ráðherra ákveðið að skipa Elísabetu Siemsen í embætti rektors skólans. Skólanefndin hafði í umsögn sinni mælt með Elísabetu í starfið.

Elísabet Siemsen hefur M.Paed. í þýsku frá Háskóla Íslands (2004), kennslufræði til kennsluréttinda frá Háskóla Íslands (1985), framhaldsnám í þýsku, samanburðarmálfræði (þýs-dan) og merkingarfræði Nordisk og tysk fakultet frá Kaupmannahafnarháskóla (1982), BA-próf í þýsku og íslensku frá Háskóla Íslands (1978).

Elísabet hefur rúmlega þriggja áratuga kennslureynslu á framhaldsskólastigi og hefur meðal annars sinnt starfi kennara, deildarstjóra, kennslustjóra, forvarnafulltrúa, áfangastjóra, aðstoðarskólameistara og sem skólameistari í fjarveru skipaðs skólameistara. Frá árinu 2005 hefur hún starfað óslitið við stjórnunarteymi Fjölbrautaskólans í Garðabæ og sótt sér reglulega menntun í stjórnun frá þeim tíma.

 
Last month Febrúar 2018 Next month
    S M Þ M F F L
week 5                 1 2 3
week 6 4 5 6 7 8 9 10
week 7 11 12 13 14 15 16 17
week 8 18 19 20 21 22 23 24
week 9 25 26 27 28