mr.is >> Fréttir >> Skólaslit 2017
Skólaslit 2017
Laugardagur, 27. maí 2017 15:49

Menntaskólanum í Reykjavík var slitið föstudaginn 26. maí í 171. sinn. Brautskráðir voru 202 nýstúdentar.

Dux2017
Dúx árgangsins, Guðrún Sólveig Sigríðardóttir, tekur við verðlaunum við skólaslit skólans.

Dúx árgangsins er Guðrún Sólveig Sigríðardóttir í 6.S með ágætiseinkunn 9,87 og er þetta fjórða hæsta einkunn sem gefin hefur verið á stúdentsprófi frá skólanum. Semidúx er Sólveig Hrönn Hilmarsdóttir í 6.A með ágætiseinkunn 9,83. Aðrir nýstúdentar með ágætiseinkunn eru

Liina Björg Laas Sigurðardóttirí 6.U með ágætiseinkunn 9,76
Inga Guðrún Eiríksdóttir í 6.X með ágætiseinkunn 9,72
Sindri Magnússon í 6.X með ágætiseinkunn 9,48
Halla Hauksdóttir í 6.A með ágætiseinkunn 9,41
Hákon Örn Grímsson í 6.S með ágætiseinkunn 9,26
Elsa Jónsdóttir í 6.S með ágætiseinkunn 9,14
Matthildur María Rafnsdóttir í 6.A með ágætiseinkunn 9,14
Þórður Ágústsson í 6.X með ágætiseinkunn 9,10
Garðar Sigurðarson í 6.X með ágætiseinkunn 9,07

Kór Menntaskólans í Reykjavík söng við athöfnina undir stjórn Kára Þormar. Birkir Örn Hafsteinssoní 6.R spilaði á klarinett fyrstu tvo kafla úr Dance Preludes eftir Witold Lutoslawski og Gunnar Kristinn Óskarsson í 6.X lék á trompet konsert Etýðu eftir Goedicke. Kári Þormar lék undir með þeim á píanó. Tónlistarflutningur þeirra var afar glæsilegur.

Fjölmargir afmælisstúdentar voru viðstaddir athöfnina. Rektor þakkaði afmælisstúdentum velvilja þeirra og vináttu og fyrir góðar gjafir. Við athöfnina fluttu fulltrúar afmælisstúdenta ræður. Sigurður Pálsson 50 ára júbilant flutti ræðu og Ingibjörg Þórðardóttir talaði fyrir hönd 25 ára júbilanta. Benedikt Jóhannesson flutti ræðu fyrir hönd Hollvinafélags Menntaskólans í Reykjavík. Hollvinafélagið og fjölmargri afmælisárgangar færðu skólanum góðar gjafir. Rektor þakkaði afmælisstúdentum velvilja þeirra og vináttu. Hann þakkaði fyrir myndarlegar gjafir og ítrekaði að stuðningur þeirra væri skólanum ómetanlegur.

Marta Konráðsdóttir líffræðikennari fagnaði þeim áfanga að hafa starfað við skólann í aldarfjórðung. Ástríður Ebba Arnórsdóttir dönskukennari, Knútur Hafsteinsson íslenskukennari og Marta Konráðsdóttir líffræðikennari láta af störfum eftir þetta skólaár. Rektor þakkaði þeim fyrir langa og dygga þjónustu við skólann og óskaði þeim og fjölskyldum þeirra farsældar á komandi árum.

Að lokum óskaði rektor foreldrum og öðrum vandamönnum nýstúdenta til hamingju með daginn og flutti nýstúdentum heillaóskir frá skólanum og starfsfólki hans. Rektor sleit síðan skólanum í síðasta sinn sem rektor skólans.

 
Last month Júlí 2017 Next month
    S M Þ M F F L
week 26                         1
week 27 2 3 4 5 6 7 8
week 28 9 10 11 12 13 14 15
week 29 16 17 18 19 20 21 22
week 30 23 24 25 26 27 28 29
week 31 30 31