mr.is
IMG_6598.JPG
Fréttir og tilkynningar
Herranótt
Fimmtudagur, 23. febrúar 2012 16:55

167. frumsýning Herranætur, leikfélags Menntaskólans í Reykjavík, verður klukkan 19:00 föstudaginn 24. febrúar.

Leikritið er byggt á Grimmsævintýrum og hefur leikhópurinn ásamt sérstöku ritteymi spunnið sögurnar saman í eina heilsteypta sýningu. Tónlistin er frumsamin og spila nemendur skólans á sviði. Leikstjóri er Kolbrún Halldórsdóttir.

Leikritið er sýnt í Norðurpólnum á Seltjarnarnesi.

Næstu sýningar eru 26. febrúar, 29. febrúar, 2. mars, 4.mars, 6. mars, 7. mars og 10. mars. Allar sýningar hefjast kl. 20 en nánari upplýsingar er unnt að nálgast á facebook síðu Herranætur.

 
MR sigraði í áskorun Háskólans í Reykjavík
Fimmtudagur, 23. febrúar 2012 14:00

Nemendur frá Menntaskólanum í Reykjavík báru sigur úr býtum í HR-áskoruninni sem haldin var í Háskólanum í Reykjavík 18. febrúar í tengslum við Háskóladaginn.

Fjögur lið kepptu til úrslita og hlutskarpast varð lið frá Menntaskólanum í Reykjavík. Áskorunin í ár fólst í því að hanna og smíða vél sem flutti geisladisk milli tveggja staða. Vélin þurfti að nota a.m.k. 20 aðgerðir og geisladiskurinn að hafa viðkomu á a.m.k. tveimur öðrum stöðum. Keppnin reyndi verulega á tæknilegt innsæi og hugmyndaflug. Sigurliðið skipuðu Jón Sölvi Snorrason, 5.X, og Pétur Helgi Einarsson, 5.Z.

Síðast uppfært: Fimmtudagur, 23. febrúar 2012 14:01
 
Kór MR á tónleikum í Hörpunni
Mánudagur, 30. janúar 2012 10:01

Sunnudaginn 29. janúar voru haldnir í Eldborgarsal Hörpunnar tónleikar Sinfoníuhljómsveitar tónlistarskólanna og með þeim sungu kórar Flensborgarskólans og Menntaskólans í Reykjavík.

Unga fólkið flutti verkin með glæsibrag enda var í boði metnaðarfull efnisskrá. Það var ekki hægt annað en að fyllast stolti yfir glæsilegum tónleikum.

Hamingjuóskir til allra sem stóðu að þessum tónleikum.

Síðast uppfært: Mánudagur, 30. janúar 2012 13:40
 
Stærðfræðikeppni fyrir grunnskólanemendur 2012
Þriðjudagur, 24. janúar 2012 23:50

Þriðjudaginn 13. mars kl. 15:30-17 er nemendum úr 8., 9. og 10. bekk  boðið að taka þátt í grunnskólakeppni í Menntaskólanum í Reykjavík.   Tilgangur með þessari keppni er að auka samstarf við hverfisskólana og aðra grunnskóla og efla áhuga nemenda á stærðfræði en þessi keppni hefur fengið afar jákvæðar undirtektir og hefur hún skipað sér fastan sess í skólastarfinu. Nemendur eru beðnir um að skrá sig í keppnina í sínum grunnskóla en nánari upplýsingar gefa fagstjórar í stærðfræði, Sigríður Hlíðar, Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. , og Einar Guðfinnsson, Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.   

Síðast uppfært: Mánudagur, 18. febrúar 2013 15:56
 
«FyrstaFyrri101102103104105NæstaSíðasta»

Last month Maí 2018 Next month
    S M Þ M F F L
week 18         1 2 3 4 5
week 19 6 7 8 9 10 11 12
week 20 13 14 15 16 17 18 19
week 21 20 21 22 23 24 25 26
week 22 27 28 29 30 31