mr.is
8.jpg
Fréttir og tilkynningar
Námsferð nemenda til Barcelona
Fimmtudagur, 16. mars 2017 22:01

Í vetur var farið í námsferð til Spánar með nemendur á 4. ári í spænskuvali en að þessu sinni var farið til Barcelona. Í vetur lærðu nemendur um Barcelona, æfðu sig í viðeigandi orðaforða og fóru svo í fjögurra daga ferð til borgarinnar. Í ferðinni kynntust nemendur menningu Barcelona og gátu spreytt sig á spænskukunnáttu sinni. Hópurinn fylgdist með Sant Medir hátíðinni í Gràcia-hverfinu þar sem fólk þyrptist niður á götur á hestbaki og í vögnum og henti meira en tonni af karamellum til þeirra sem fylgdust með. Gengið var niður Römbluna að La Boquería, flottasta matarmarkaði Spánar með alls kyns góðgæti. Eftir það var farið á ýmsa sögulega staði í Barrio Gótico. Astrid Helgadóttir, ritari ræðismanns Íslands í Barcelona, bauð okkur á ræðismannsskrifstofuna þar sem við fræddumst um starf hennar og tengingu Barcelona við Ísland. Einnig voru skoðuð ýmis meistaraverk eftir hinn þekkta arkitekt Antoní Gaudí, eins og til dæmis Casa Battló, El Parc Güell og La Sagrada familia. Nemendur fengu einnig frjálsan tíma til að kynnast og skoða borgina. Þetta var mjög jákvæður og skemmtilegur hópur sem var til fyrirmyndar í ferðinni og skemmtu sér allir vel.

barcelonanemendur2017

Síðast uppfært: Föstudagur, 17. mars 2017 09:09
 
Fiðluballið 2017
Fimmtudagur, 16. mars 2017 21:56

Hið árlega Fiðluball 6. bekkinga var haldið með glæsibrag í Iðnó þann 8. mars.

fidluball2017 2
fidluball2017

 
Englandsferð 2017
Fimmtudagur, 16. mars 2017 21:49

2.-6. mars síðastliðinn fóru Enskuval og Tolkienval í menningarferð til London. Farið var m.a. í dagsferð til Oxford þar sem Tolkien bjó og kenndi til fjölda ára. Þar heimsóttum við leiði Tolkiens og gengum um þennan stórkostlega stað. Farið var að heimili hans, þar sem hann skrifaði Hobbitann sem og mest af Lord of The Rings bókunum, og borðað á Eagle and Child, staðnum þar sem Tolkien og C.S. Lewis (The Chronicles of Narnia) hittust að minnsta kosti einu sinni í viku og lásu fyrir hvor annan úr verkum sínum.
London er mikil menningarborg og hefur upp á margt að bjóða. Þar heimsóttum við t.d. söfn eins og Tate Modern, British Museum, Natural History Museum og Science Museum. Ferðin var sérstaklega vel heppnuð, nemendur til einstakrar fyrirmyndar og skólanum til sóma.

london2017Sjá fleiri myndir úr ferðinni hér

Síðast uppfært: Föstudagur, 17. mars 2017 09:07
 
Fræðslufundur á vegum Foreldrafélagsins
Þriðjudagur, 14. mars 2017 22:02

Foreldrafélag Menntaskólans í Reykjavík býður foreldrum nemenda við skólann á fræðslukvöld miðvikudaginn 15. mars klukkan 20.00 í hátíðarsal skólans (í aðal-byggingu).

Dr. Erla Björnsdóttir sálfræðingur mun flytja erindi sem hún nefnir
Betri svefn - grunnstoð heilsu, en Erla hefur rannsakað svefn um margra ára skeið og þróað aðferðir við að bæta svefnvenjur. Einnig mun hún ræða um notkun snjalltækja og áhrif þeirra á svefn.

Gert er ráð fyrir að erindið verði tvískipt með kaffihléi um kl 20:30 og að fræðslufundinum ljúki upp úr kl. 21:15.

Allir velkomnir,

Stjórn FMR.

Síðast uppfært: Þriðjudagur, 14. mars 2017 22:09
 
«FyrstaFyrri12345678910NæstaSíðasta»

Last month Mars 2017 Next month
    S M Þ M F F L
week 9             1 2 3 4
week 10 5 6 7 8 9 10 11
week 11 12 13 14 15 16 17 18
week 12 19 20 21 22 23 24 25
week 13 26 27 28 29 30 31