mr.is
1.jpg
Fréttir og tilkynningar
Skólasetning
Miðvikudagur, 17. ágúst 2016 15:41

Menntaskólinn í Reykavík var settur í 171. sinn miðvikudaginn 17. ágúst í Dómkirkjunni. Í skólann eru skráður 855 nemendur í 35 bekkjardeildum, 202 nemendur í 6. bekk, 201 í 5. bekk, 206 í 4. bekk og 246 í nýjum IV. bekk. Við athöfnina söng Kór Menntaskólans í Reykjavík undir stjórn Kára Þormar kórstjóra. Sr. Hjálmar Jónsson tók á móti gestum. Yngvi Pétursson rektor ávarpaði nemendur og kynnti skólastarfið.

Í sumar kepptu nokkrir nemendur skólans m.a. í Ólympíukeppni í raungreinum, 2 í eðlisfræði, 3 í efnafræði, 4 í líffræði og 5 í stærðfræði. Rektor þakkaði þeim nemendum sem tóku þátt í keppni í fyrra og sumar og þeim kennurum sem staðið hafa að undirbúningi við þjálfun og framkvæmd. Nemendur tóku einnig þátt í alþjóðlegum verkefnum sl. vetur m.a. menningarferðum til Barcelona, Berlínar, London og Oxford og verkefni á vegum Erasmus+ menntaáætlunarinnar. Rektor þakkaði nemendum fyrir það hvað þeir stóðu sig með miklum sóma og kennurum sem stóðu að undirbúningi og skipulagi. Hann vonaðist til að áfram verði unnið að því að efla þennan þátt skólastarfsins.

Rektor benti á að nú hafi verið brotið blað í langri hefð skólans þar sem skólaárunum væri fækkað í þrjú ár. Þrátt fyrir eindreginn vilja okkar til að fá að halda okkar fjórum árum verða þau aðeins þrjú. Kennarar og starfsfólk skólans mun gera sitt besta þessi þrjú ár til þess að veita nemendum þekkingu og þroska og búa þá undir lífið og áframhaldandi nám.

Að lokum hvatti rektor nemendur til að sinna náminu vel og að ganga glöð og bjartsýn, einbeitt og öguð til móts við námið og veturinn sem er framundan.

Síðast uppfært: Miðvikudagur, 17. ágúst 2016 18:37
 
Bóksala
Miðvikudagur, 10. ágúst 2016 15:18

Í skólanum er unnt að kaupa bækur og fjölrit sem eru merkt MR hefti í bókalistanum.

Vegna þrengsla í skólanum biðjum við nemendur um að kaupa MR hefti og bækur fyrir skólasetningu. Bóksalan hefst þriðjudaginn 9. ágúst og er opin kl.12-17. Bóksalan er á jarðhæð aðalbyggingar í B stofu og verður opin til 16.ágúst. Engin bóksala verður miðvikudaginn 17.ágúst en eftir það verður hún inn af skrifstofu skólans á 3. hæð.

Finna má verðlista bóksölunnar hér

Síðast uppfært: Fimmtudagur, 11. ágúst 2016 12:54
 
Skólasetning
Mánudagur, 08. ágúst 2016 11:26

Skólinn verður settur miðvikudaginn 17. ágúst. Nemendur safnist saman fyrir framan skólann kl. 13:50, þaðan verður gengið til skólasetningar í Dómkirkjunni. Eftir skólasetningu fá nemendur stundaskrár og upplýsingar um námið framundan.

Kennsla hefst fimmtudaginn 18. ágúst skv. stundaskrá.
Hlekkir í bókalista eru birtir í kaflanum Nemendur.

Starfsmannafundur verður á Hátíðasal miðvikudaginn 17. ágúst kl. 10.

Rektor

 
Minningarsjóður Önnu Claessen laCour styrkir nám í Danmörku
Þriðjudagur, 05. júlí 2016 08:23

Minningarsjóður Önnu Claessen laCour til styrktar íslensku námsfólki sem vill stunda framhaldsnám í Danmörku auglýsir hér með eftir umsóknum um styrki á árinu 2016.

Styrkirnir eru veittir í dönskum krónum þar sem um danskan sjóð er að ræða. Þeir sem stunda eða hafa stundað nám í Menntaskólanum í Reykjavík njóta að öðru jöfnu forgangs við úthlutun styrkjanna.

Síðast uppfært: Þriðjudagur, 05. júlí 2016 08:42
Nánar...
 
«FyrstaFyrri12345678910NæstaSíðasta»

Last month Febrúar 2017 Next month
    S M Þ M F F L
week 5             1 2 3 4
week 6 5 6 7 8 9 10 11
week 7 12 13 14 15 16 17 18
week 8 19 20 21 22 23 24 25
week 9 26 27 28